slawek
Зареєструваний
| Одповіди: 19 |   |
|
szto pamiatam z tamtych Watr - 2009/12/23 13:16
Perszom Watrom, na jakij jem był, była tota w Bortnim – w 1989 rocy. Mam z niej w pamiaty paru obraziw.
Jakysy derewa prez wodu pereszmareny, po kotrych wchodyło sia na pole watriane. Pole bez ohorodżynia, a wstup płatyło sia jakysym rozśmijanym mołodym. Dojdż welykij na poczatku, a potim młaku, w kotrij tiażko było na horu hwojty. Y sońce, kotre na konec szytko wysuszyło.
Pamiatam diwczynu, kotru jem chotił w żdajcy perepustyty, a kotra mi zo śmichom ‘ni’ powiła. Kohosy zo sceny, chto oplesky za wypowid zobrał, że lemkiwskij to ne ‘gwara ale jazyk’. Kohosy, chto na konec poprosył jeden paperyk zo zemly pidnesty, żebyl priataty pomoczy.
Pamiatam, jak poślidnioho dnia ohołosyly, że 10 dulary jakysyj nasz z Hameryky na Watru daruwał. A kied dopowily, że tot Hameryczan prosył, po wyiździ swoim toto daruwania dopiro hołosyty, bo skromnyj chotił byty, to sia lude ciłkom rozśmijaly. A jeden z nonych, szto sia śmijaly, powił, że win je z Polszczy y daje dulariw 100. Y tiż oplesky zobrał.
Pamiatam hrania w bolku y jednoho fana, kotryj nepotribni zamiszania sered hrajuczyma y pozerajuczyma wprowadżał.
Pamiatam, że ludy było duże. Koj straganiw chybal wcali - yszło sia do sklepu, do Bortnoho.
Y pamiatam yszczy - choc toto ne z Watry, a z, paru rokiw piznijsze czutoho, opowidania kohosy, chto towdyl zo mnom na Watru poichał - „Odtiaty Korinia” Andryja Kopczy. Perszy raz wystawlany. Ne widił jem toho towdyl. Koj toho hłaśni najbarże ne zabudu. Była nicz, byly źwizdy, y była studin. Ale taka studin, na kotru moi dido powidaly: „Ale doma to teplijsze, jak na dwori”. Y była kupeta ludy, kotry towdyl, w studenu nicz, imaly swij czas y czas nonych, szto byly pered nyma. Toho hłaśni, szto było towdyl medże tyma szytkyma ludmy, szto znam lem z opowidania, a kotre mało byty mahiczne, nykoly ne zabudu.
„Cy bude nas yszczy dakoly staty na daszto podibne?” – źwidał sia Bohdan Horbal w dopysi: „Dwadcet lit od ostatnioj Watry (w Bortnim)” (Besida Nr 110). Tak sy dumam, że choc desiatky sia uż hańbyty ne budeme.
A w bolku, o kotrij Horbal tiż pysał, sia mi wydyt, że jednak ne Bortniane a chłopaky zo zachodu (chybal desy spid Lihnycy) wyhraly.
|
slawek
Зареєструваний
| Одповіди: 19 | |
|
Одп:szto pamiatam z tamtych Watr - 2009/12/28 15:41
Pamiatam tiż Desiatku. Była mała, dribna - z czornyma, kuczeriawyma wołosiamy. Podabała sia ne lem mi, ale y tomu, kotry jej na rameny na scenu wnesł. Y tiż tij babi, szto za mnom stojała y po polsky komentuwała: ‘Ale ta Dziesiątka to mi się podoba’. No y na konec tym, kotry jej persze misce dla jej krasy daly. Ne znam, ne pamiatam, cy to żiri, cy publika towdyl wyberała.
A w nahorodu distała pewno jakyse poważnijsze stereo. Bo walkmany dawaly chybal tak od tretioho misca.
Potim bisiduwał jem o nij yszczy kus na służbi. Dworidnij brat, koly uż jem wernuł z Watry, chotił sia koneczni czohosy o nij dowidaty. Uż sztosy czuł od znajemych, kotry tiż na Watri byly y dakus od sebe powily, ale było mu mało y mene, w nedilu na służbi, konfrontuwał.
A pak, to uż nykoly.
Dwadcet rokiw mohła towdyl maty. Dwadcet nastupnych mynuło.
|
AnnaKyrpan
Зареєструваний
| Одповіди: 4 | |
|
Одп:szto pamiatam z tamtych Watr - 2010/01/24 21:48
Не вмію так добре писати по-лемківськи...
Вперше ÿ була в Ждині на Ватрі в 2001 році. Це було длÿ мене щось незвичайне. Мала дуже багато вражень. Найбільше враженнÿ було, що молоді хлопці і дівчата говорÿть між собою по-лемківськи. На жаль, в нас в Україні рідко де вже можна почути лемківську мову, а ÿк почуєш, то від старих людей, а не від молоді. Також мене вразило, що фестиваль має великий масштаб, що приїхало стільки людей. Дуже сподобалась дружнÿ, товариська, щира атмосфера. На той час в Україні не було фестивалів такого типу (не кажу про лемківські – не було взагалі таких фестивалів народної культури просто неба).
Враженнÿ вилилисÿ у декілька публікацій в місцевій пресі.
Наступні фестивалі теж подобались, але перші враженнÿ були найсильніші.
|
Хыжа
Культура
Школа языка
Бесіда
Нашы люде
- - - - - - - - - -
До стягніня
Мотузкы
Напиш до нас
_DATE_FORMAT_LC
