Lemkowyna.net

Школа языка / Szkola jazyka

Запрашаме на занятя нр 10 / Zapraszame na zaniatia nr 10  

І част:

В остатніх занятях подали сме уж вшыткы лемківскы буквы. Тепер для тых, котры знают цілу азбуку пришыкували сме короткы тексты. Мают они помочы в досконаліню Вашого чытаня.  Маме надію, же сподабают ся Вам і заохотят до дальшого наукы.

Феня Фенканич-Рудакевич

Моральна підтримка

    Моя жена несподівані захворіла. Єй одвідил дохтор. Він повіл, же єй жытя в нашых руках і потрібна єй моральна підтримка. Я повіл тото жені. Она лем тяжко збыхнула, махнула руком і незадоволено повіла:

- Дохторы вшыткы єднакы. Повідают єдно, а выходит інакше. Я знам, же гмру, а ты ся ожениш. Но, лем смотр ся за мойом могилом. Іщы не забывай квіточкы поставити.

- Та ты што? – одповіл єм – Я замовлю найгардійший вінец з жывых хризантем. На чорных басамунках золотыма буквами зроблю крас напис.

    З очы жены потекли дві срібрны кулькы.

- А на твоій могилці знаш што посаджу? Ано згадуй! Твіл улюблений жасмін і лелияк. Поставлю загорідку з дроту кольору блавату. Ты любила ся смотрити на небо.

    Жена почала плакати.

- А за пінязі, котры єс наскладала, люба, замовлю помник. Облечена будеш в найновшу блюзку, з рожами на грудях. Занесена будеш, як втовды, коли-с ся оддавала.

    Жена занесла ся плачом.

- Успокій ся моя люба жено. В літі і в зимі на твоій могилі будут квитнути півоніі і астры.

    Жена іщы тяжше зачала плакати.

- Ховати тя будут з музыком – морально пидтримувал єм жену – Авто буде закрите, жебы ти не было студено. Труну обкладеме квітками. Правда, же буде гарді? Єґoмосьць одправлят вшыткы молитвы. Они гварили, же не пропустят нич.

    Жена почала ся заходити.

- Некрольоґ – заспокоювал єм хвору – выдрукуют в ґазеті „Дзвоны Лемківщыны ”, я уж з редактором єм ся добесідувал.

    Жена зблідла і на єй лице выступили рожебы плямы.

- А што до мойой женячкы, то не маркот ся, я уж си выберу молоду, лагідной натуры..

    Моральна підтримка одраз помогла. „Золота половина” зоскочыла з постелі і повіла:

- Тепер уж знам, же моральна підтримка помагат!

ІІ част: Ґраматыка

Громадны чысловникы – означают чысло предметів бзятых як

скупліня: пятеро, десятеро, тринадцетеро, двадцет двоє.

Дробовы чысловныкы – означают дробову велькіст (не ціліст):

єдна друга, єдна четверта/чверт, три семы/три семини, пят сотных/пят сотин

ІІІ част:

Дни, місяці, святя.

Дни тижня – dni tygodnia:

Понедильок - poniedziałek

Віторок – wtorek

Середа - środa

Четвер - czwartek

Пятниця - piątek

Субота - sobota

Неділя - niedziela

Місяці – miesiące:

Січен - styczeń

Лютий - luty

Марец - marzec

Квітен - kwiecień

Май - maj

Червец - czerwiec

Липец - lipiec

Серпен - sierpień

Вересен - wrzesień

Жовтен - październik

Листопад - listopad

Груден - grudzień

Части рока – pory roku:

Яр/весна - wiosna

Літо - lato

Осін - jesień

Зима - zima

Части добы – części doby:

Свитаня - świt

Рано - ranek

Полудне - południe

Пополудне - popołudnie

Вечер/вечір - wіeczór

Пілніч - północ

Ніч - noc

Ден - dzień

Передвчера - przedwczoraj

Вчера - wczoraj

Гнеска - dzisiaj

Заран -jutro

Позарани - pojutrze

Календар - kalendarz

Влони – w zeszłym roku

Свята - święta:

Маланка - Sylwester

Новий Рік – Nowy Rok

Мясниці - Karnawał

Йордан – Богоявліня Господнє – Chrzest Chrystusa, Objawienie Pańskie

Грімниці – Стрітеніє Господнє – Spotkanie Pańskie

Пущаня - ostatki

Великій Піст – Федорівка - Wielki Post

Благовіщыня Пресвятой Дівы Мариі – Zwiastowanie Najświętszej Marii Panny

Квітна неділя – Вхід Господній до Єруслиму – Niedziela palmowa

Великден – Боскресеніє Христове - Wielkanoc

Вознесеніє Христове - Wniebowstąpienie Pańskie

Русаля – Пресвятой Тройцi – Zielone Świątki, Zesłanie Ducha Świętego

Родество св. Йоана Хрестителя – Купала – Noc Świętojańska

Петрівка – post przed Świętem Apostołów Piotra i Pawła

Апостолів Петра і Павла – Święto Apostołów Piotra i Pawła

Преображыня Господнє – Спасa-  Przemienienie Pańskie

Успіня Пресвятой Богородиці – Матка Біжа – Zaśnięcie Najświętszej Marii Panny

Усікненя Главы Йоана Хрестителя – Главосікы – Odcięcie Głowy św. Jana Chrzciciela

Pождество Пресвятой Богородиці – Narodzenie Najświętszej Marii Panny

Воздвижыня Kрeста Господнього – Здвига - Podwyższenie Krzyża Pańskiego

Покров Пресвятой Богородиці - Opieki Przenajświętszej Bogurodzicy

Введіня до Храму Пресвятой Богородиці - Wprowadzenie do Świątyni Przenajświętszej Bogurodzicy.

Святого Миколая Чудотворця – św. Mikołaja

Филипівка - Adwent

Рождество Христове – Boże Narodzenie

Ден народжыня - urodziny

Ден нашохо покровителя – імянини – imieniny

Обрядовы свята – święta obrzędowe:

Хрестины – chrzciny

Весіля – wesele

Похорон – pogrzeb