Любимий верш надісланий през Варку

Lubymyj versz nadislanyj prez Varku

 

 

 

«Милий Мiй»

 

Пишу зас до тебе фраiрю коханий

Бо мi вшыткы гварят же–с на мя згнiваний

 

Ты–с до мя приходил я не зналам чого

На стiл положылам гарбура велького

 

Гарбуза велького, вчера зорваного

Дiвкы ся звiдуют – Уж не маш милого?

 

Я не розумiю чом си так думают

Прецiн Тебе в селi вшыткы дiвкы знают

 

Но але тот гарбуз мусiл намiшати

Ты уж мене веце не хцеш оглядати

 

Я хцу Ти повiсти, мусиш тото знати

Я тебе направду не хтiлам лишати

 

Прецiн єс мiй милий для мене барз важний

Верний ся до мене, не буд так поважний.

 

Мусiл єс мiй милий штоси поробити

Же я така тверда хтiлам тя любити

 

Фраiрку коханий я тя так любую

I тя дале мiцно любий мiй шаную

 

Верний ся до мене бо хыбаль здурiю

На тоту оказю кабат собi вдiю.

 

Одкаль єс мя лишыл то я смутна ходжу

I не знам ци собi даяк з тым пораджу

 

Бо сме ся сонечко добрi справували

Як сме iшли селом люде приставали.

 

I хоц ты высокiй, я єм барз низка

Знают вшыткы о тым же–м ти серцю близка

 

Хоцкi не выглядаш як Дi Капрiо чысто

I так знают люде же єс крас хлопчыско

 

Не маш ты кобылы што волочыт ногом

Лем ты все ся возиш БМВ дорогом

 

Кажда бы тя дiвка за фраiря хтiла

Ты єс выбрал мене я єм тя лишыла

 

Вшыткы бесiдуют же–м дурна як звiря

През свою дурноту уж не мам фраiря

 

Я мiй фраiрочку престала думати

Дiвкы мi казали гарбуза ти дати

 

А я дурна не знам што то ма значыти

Мама на мя кричыт же тя хцу лишыти

 

Я iй одповiла, же лем тя частую

Ты єс вышол з хыжы, твоi крокы чую

 

I уж єс не врнул, а чого не зналам

Хыбаль же през тото же ти гарбуз далам

 

Бабця мi повiли же єст такiй звычай

Даєш хлопцю гарбуз жебы выперничал

 

Я до тебе пишу голубку коханий

Жебыс на мя не был веце загнiваний

 

Я по тебе думам i по дни i в ночы

Хоцкi мам уж спати бсе отверам очы

 

Мам вельку надiю же ся до мя вернеш

Же ся през гарбуза од мя не одвернеш

 

Мы сме ся любили як голубкы в гаю

Як сме были разом было нам як в раю

 

Могла бым ти милий СМС выслати

Лем же мi ся не хце карты купувати

 

Така–м знервувана же лист тобi пишу

Хыбаль го в копертi пiд дверму ти лишу

 

Хыбаль нас роздiлил впертий чорт рогатий

Або може єднак чорний гад зубатий

 

Бо я все думала – нас ся не розлучыт

А ту так ся стало, з того аж мя пучыт

 

Тепер така–м слаба о нас фурт ся бою

Трясу ся на ногах i ледво уж стою.

 

Мусиш мiй миленькiй ся до мя вернути

Бо уж не мам силы за Тобом гынути

 

Уж ся мi знудило тото долж писаня

I зато уж кiнчу моє принуджаня

 

Вернуй ся до мене бо єм ся преняла

Хыбаль мi в психiцi дiра ся остала

 

Як тот лист достанеш скоро одпиш милий

Бо на долгє жданя тiж уж не мам силы

 

Уж кiнчу мiй милий бо єм барз лiнива

I з жалю за Тобом выпю лiтру пива

 

Кiнчу мiй лист скоро бо уж знаш о вшыткым

А як до мя прудеш то ти зроблю фрыткы

 

Поздоравлям я тя мiй милий, поважний

Жебыс си не думал же–с для мя не важний

 

  

 

Neznajova18.11.2005r.

 

«Mylyj mij»

 

Pyszu zas do tebe frairju kochanyj

Bo mi vszytky hvarjat z’e-s na mja zhnivanij

 

Ty-s do mja prychodyl ja ne znalam czoho

Na stil poloz’ylam harbuza velykoho

 

Harbuza velykoho, vczera zobranoho

Divky sia z’vidujut – uz ne masz mylono?

 

Ja ne rozumiju czom sy tak dumajut

Precin Tebe v seli vszytky divy znajut

 

No ale tot harbuz musil namiszaty

Ty uz’ mene vece ne chcesz ohladaty

 

Ja chcu Ty povisty, musysz toto znaty

Ja Tebe na pravdu ne chtilam lyszaty

 

Precin jes mij mylyj dla mene barz vaz’nyj.

Vernyj sia do mene, ne bud tak povaz’nyj.

 

Musil jes mij mylyj sztosy porobyty

Z’e ja taka tverda chtilam tja lubyty

 

Frairju kochanyj ja tja tak lubuju

I tja dale micno lubyj mij szanuju

 

Vernyj sia do mene bo chybal zduryju

Na totu okazju kabat sobi vdiju.

 

Odkal jes mja lyszyl to ja smutna chodz’u

I ne znam cy sobi dajak z tym poradz’u

 

Bo sme sia soneczko dobri spravuvaly

Jak sme iszly selom lude prystavaly.

 

I choc ty vysokij, ja jem barz nyzka

Znajut vszytky o tym z’e-m ty serciu blyzka

 

Chocki ne vyhladasz jak Di Kaprio czysto

I tak znajut lude, z’e jes kras chlopczysko

 

Ne masz ty kobyly szto voloczyt nohom

Lem ty vse sia vozysz BMW dorohom

 

 

Kaz’da by tja divka za frairja chtila

Ty jes vybral mene ja jem tja lyszyla

 

Vszytky besidujut z’e-m durna jak z’virja

Prez svoju durnotu uz’ ne mam frairja

 

Ja mij frairoczku prestalam dumaty

Divky mi kazaly harbuza ty daty

 

A ja durna ne znam szto to ma znaczyty

Mama na mja kryczyt z’e tja chcu lyszyty

 

Ja ji odpovidam, z’e lem tja czestuju

Ty jes vyszol z chyz’y, tvoi kroky czuju

 

I uz’ jes ne vernul, a czoho ne znalam

Chyba z’e prez toto z’e ty harbuza dalam

 

Babcia mi povila z’e je takij zvyczaj

Dajesz chlopciu harbuza z’eby vypernyczal

 

Ja do tebe Pyszu Holoubku kochanyj

Z’ebys na mja ne byl vece zahnivanyj

 

Ja o tobi dumam i po dny i v noczy

Chocki mam uz’ spaty vse otveram oczy

 

Mam velyku nadiju z’e sia do mja vernesz

Z’e sia prez harbuza od mja ne odvernesz

 

My sme sia lubyly jak holubky v haju

Jak sme byly razom bylo nam jak v raju

 

Mohla bym ty mylyj SMS vyslaty

Lem z’e mi sia ne chce karty kupuvaty

 

Taka-m znervuvana z’e lyst tobi pyszu

Chyba ho v koperti pid dverjamy ty lyszu

 

Chyba nas rozdilyl vpertyj czort rohatyj

Abo moz’e jednak czornyj had zubatyj

 

Bo ja vse dumala – nas sia ne rozluczyt

A tu tak sia stalo, z toho az’ mja puczyt

 

Teper taka-m slaba o nas furt sia boju

Trjasu sia na nohach i ledvo uz’ stoju.

 

Musysz mij mylen’kij sia do mja vernuty

Bo uz’ ne mam syly za Tobom hynuty

Uz’ sia mi znudylo toto dolz’ pysania

I za to uz’ kinczu moje prynudz’ania

 

Vernyj sia do mene bo jem sia preniala

Chyba mi v psychici dira sia ostala

 

Jak tot lyst dostanesz skoro odpysz mylyj

Bo na dolhe z’dania tiz’ uz’ ne mam syly

 

Uz’ kinczu mij mylyj bo jem barz linyva

I z z’alu za tobom vypju litru vyna

 

Kinczu mij lyst skoro bo uz’ znasz o vszytkym

A jak do mja prydesz to ty zrobju frytky

 

Pozdoravlam ja tja mij mylyj, povaz’anyj

Z’ebys sy ne dumal z’e-s dla mja ne vaz’nyj

 

« попередня		наступна »