Дорогiй Петрусю!!!

Витам я тя витам моє ты сонечко

Пишу я до тебе прекрасне листечко.

Пишу я до тебе, зоцло мi ся страшнi

I уж не памятам як цiлуєш краснi.

Траплю ся дорогiй ци часом ночами

Не ходиш ты деси за дiвчатисками

Траплю ся окрутнi, бо знам о што ходит,

Же кажде дiчатко до тебе пiдходит.

Пiдходит пiд хыжу, зазерат в выгляды

З тыма дiвчатами ты си не даш рады.

Не дост же до тебе все ся усьмiхают

То iщы колiна своi одкрывают.

Не дост же колiна то i грубы мяса

I уж за недолго будут на ґоляса.

Вдiвают на себе червены пiдвязкы

I зелены штрiнґы, што за глупы ляскы.

Але я ти вiрю ты моє сонечко

Продам дурны думкы маленька мышечко

Снуло мi ся снило, же–м тя цiлувала

Аж в кiнци–м з постели на дылины впала.

През выгляд єм взрiла прекрасну звiздочку

Аж єм уронила маленьку слезочку.

Долго мя не было бо мушу ся вчыти,

Но бо глупой жены не хтiл быс любити.

Вчу ся я барз добрi, вчу ся я прекраснi

I ти зараз повiм што ся стало власнi.

Гнеска на занятях кольоквюм єм мала

А того кольоса брыдь баба справджала.

На картцi–м писала што я лем єм знала,

Же Петруся люблю, же–м го цiлувала.

Шугаю дорогiй я през тя не iлам

Бо на твою знимку заєдно смотрилам.

Цiлу нiч не спалам, нiч была холодна

Не спалам про тото, же–м была голодна.

Колиси єм iшла i про тя думала,

Аж мя завернуло i в столпа єм впала.

Но а потiм Милий вельку–м булю мала

Вшыткы ся старали од кого–м достала.

Думалам, думалам о тобi ночами

А потiм єм мала мiшкы пiд очами.

Хтiла я бым хтiла пiд олтар уж пiти

А ты ваґабундо ся не хцеш женити.

Моя врода така же болит голова

Скоро ход пiд олтар бо–м втечы готова.

Барз ся не надумуй мiй ты дорогенькiй

Куп перстiн з брылянтом але не маленькiй

То вшытко Миленькiй ґамбочкы пресылам

Знай, же твою знимку при серци зложылам

                                      Настка

Dorohij Petrusiu!!!

Vytam ja tja vytam moje ty soneczko

Pyszu ja do tebe prekrasne lysteczko.

Pyszu ja do tebe, zoclo mi sia straszni

I uz’ ne pamiatam jak cilujesz krasni.

Traplu sia dorohij cy czasom noczamy

Ne chodysz ty desy za divczatkamy

Traplu sia okrutni, bo znam o szto chodyt,

Z’e kaz’de divczatko do tebe pidchodyt.

Pidchodyt pid chyz’u, zazerat v vyhlady

Z tyma divczatamy ty sy ne dasz rady.

Ne dost, z’e do tebe vse sia us’michajut

To iszczy Kolina svoi odkryvajut.

Ne dost z’e Kolina to i hrudy miasa

I uz’ za nedolho budut na golasa.

Vdivajut na sebe czerveny pidvjazky

I zeleny sztringy, szto za hlupy lasky.

Ale ja ty virju ty moje soneczko

Prodam durny dumky malen’ka myszeczko

Snylo mi sia snylo, z’e-m tja ciluvala

Az’ v kincy-m z posteli na dyvan vpala.

Prez vyhlad jem vyzrila prekrasnu z’vizdoczku

Az’ jem uronyla melen’ku slezoczku.

Dolho mja ne bylo bo muszu sia vczyty,

No bo hlupoj z’eny ne chtil bys lubyty.

Vczu ja sia braz dobri, vczu sia ja prekrasni

I ty zaraz povim szto sia stalo vlasni.

Hneska na zaniatiach kolokvium jem mala

A toho kolosa bryt’ baba spravdz’ala.

Na kartci-m pysala szto lem jem znala,

Z’e Petrusia lubju, z’e-m ho ciluvala.

Szuhaju dorohij ja prez tja ne ilam

Bo na tvoju znymku zajezdno smotrylam.

Cilu nicz ne spalam, nicz byla cholodna

Ne spalam pro toto, z’e-m była holodna.

Kolysy jem iszla i pro tja dumala,

Az’ mja zavernulo i v stolpa jem vpala.

No a potim mylyj velku-m bulu mala

Vszytky sia staraly od koho-m dostala.

Dumalam, dumalam o tobi noczamy

A potim jem mala miszky pid oczamy.

Chtila ja bym chtila pid oltar uz’ pity

A ty vagabundo sia ne chcesz z’enyty.

Moja vroda taka z’e bolyt holova

Skoro chod pid oltar bo-m vteczy htola.

Barz sia ne nadumuj mij dorohen’kij

Kup perstin z brylantom ale ne malen’kij

To vszytko mylen’kij gamboczky presylam

Znaj, z’e tvoju znymku pry sercy zloz’ylam

                                      Nastka